Háskóli Íslands og Íslenskuskólinn

Það er okkur ánægja að greina frá því að fjallað verður um Íslenskuskólann og kennsluhætti hans í nýrri handbók Háskóla Íslands um kennslu íslensku sem annars máls. Við lítum á þetta sem mikla viðurkenningu á því starfi sem unnið hefur verið í Íslenskuskólanum og fögnum því að reynsla okkar geti nýst öðrum sem starfa á þessu sviði.

Um handbókina

Handbókin kemur út haustið 2026. Ritstjórar og höfundar eru Renata Emilsson Peskova, Helga Helgadóttir, Anna Björk Sverrisdóttir og Edda Óskarsdóttir, sem allar búa yfir víðtækri þekkingu á kennslu íslensku sem annars máls.

Markmið bókarinnar er að bjóða upp á hagnýtt safn gagnlegra hugmynda fyrir kennara og annað fagfólk á vettvangi, sem og fyrir kennaranema við háskóla á Íslandi. Hún er þannig hugsuð sem verkfæri sem nýtist beint í daglegu starfi.

Mikilvægi verkefnisins

Nemendum sem læra íslensku sem annað mál fjölgar jafnt og þétt, bæði í hópi barna og fullorðinna. Því er brýnt að kennarar hafi aðgang að vönduðu efni sem byggir á bæði fræðilegum grunni og reynslu úr kennslustofunni. Handbók af þessu tagi er mikilvægt framlag til þeirrar þróunar.